Një person i dyshuar është arrestuar pasi që gjatë kontrollit në shtëpinë  e tij i është gjetur dhe konfiskuar një AK/47 me 23 fishekë dhe substancë e dyshuar narkotike e llojit marihuanë me peshë 11.3 gramë, transmeton arbresh.info.

Policia bën të ditur se me vendim të prokurorit i dyshuari pas intervistimit është dërguar në mbajtje.

Ngjarja ka ndodhur në fshatin Bresalc në Komunën e Gjilanit.

Njoftimi i plotë i policisë:

“Fshati Bresalc, Gjilan 08.02.2018-15:30. Është arrestuar i dyshuari mashkull K/Shqiptar, pasi që gjatë kontrollit në shtëpinë e tij, është gjetur dhe konfiskuar një AK/47 me 23 fishekë dhe substancë e dyshuar narkotike e llojit marihuanë me peshë 11.3 gramë. Me vendim të prokurorit, i dyshuari pas intervistimit është dërguar në mbajtje”.